3 min o'qish
Qishloq xo‘jaligida ko‘p uchraydigan vaziyat shundan iboratki, bir fermer ma’lum bir ekin turi yoki agrotexnologiyani to‘g‘ri qo‘llab yaxshi daromad qiladi va atrofdagilar buni ko‘rib, tahlilsiz aynan shu usulni ko‘chira boshlaydi. Lekin yer, suv, iqlim, urug‘ sifati va tayyorgarlik darajasi har xil bo‘lgani uchun ko‘p holatda kutilgan natija chiqmaydi va zarar paydo bo‘ladi. Bu esa iqtisodiyotdagi Gresham qonunining agrar ko‘rinishi bo‘lib, sifatli va ilmiy qarorlar o‘rniga oson, tez va ko‘chirma qarorlar bozorni egallab oladi.
